الناس بتقول اية

خرجت ومكنشى يومى خالص
لايوجد مواصلات بسبب ازمة البنزين محدش بيطلع لانهم مش لاقين غاز واتعذبت وكان يوم
ووواقفة اسمع جدال الناس  وكأننى فى برنامج توك شو الى بقوا أكتر من الهم على القلب 
الى يتكلم فى المرشحين وان دى مهزلة واحنا لازم يحكمنا واحد فاهم سياسة وبتوع الدين يخلوهم فى الدين
والى يكتفى بمجرد بوستر لمرشحة وما اكتر مرشحى حازم ابو اسماعيل
نيجى للناس وكلامهم
واحد يقول للتانى يحكمنا واحد اسمة العوا ازاى  
طيب ما احنا حكمنا مبارك وطلع ملعون 
واحد تاتى قال البلد بقت فوضى  الشرطة ضاعت هيبتها دول لو مخوفوش الناس البلد هتبوز 
عجبتك لك يازمن
المهم ركبنا واحنا بالطريق حوارات كتير 
يلا بينا
واحد قال عشان يعرفوا ان زمن مبارك كان حلو 
رد شخص تانى قالو هما عاوزينا نقول كدا 
مبارك قال اية يا أنا يا الفوضى  فبقت الفوضى دول ليهم يد
وكمل كلاموا وأل يقولوا المجلس العسكرى دا لولا المجلس العسكرى كنا ضعنا شوفوا سوريا ولا ليبيا الناس فى ليبيا معاهم سلاح ومش عارفين يرجعوة
احنا لازمنا حكم زى المجلس العسكرى احنا مينفعشى نمشى غير كدا 
اصل احنا شعب لازمة كرباج 
ههههههههههههههه فى نفسى 
اتكلم عن نفسك
وشوفتوا المرشحين حانوتى سواق مهزلة ياعم الحاج
واحدة قالت عجبنى احمد شفيق قلتلها لية قالتى شكلة حلو كدا يدى رئيس 
ههههههههه  هو هيبقى رئيس ولا هيعمل مسلسل تركى
ومع مدح وذم بالمجلس العسكرى وتضارب اراء 
ومع الفتاين وكلامهم
وقفنا مش اشارة 
دا طابور
لكن ليس طابور عيش ولا طابور انابيب غاز
دا طابور على بنزينة وقافل الطريق
فبسرعة غيروا دفة الحوار 
ترا تراتاتا
ومع فاصل قصير استنونا
اوعوا تغيروا القناة
ورجعنالكم اعزائى المشاهدين 
والناس بتقول اية
واحدة بتسأل الاجرة كام 
هى كانت جنية 
واحد بصوت جهورى 
ادولوا جنية ونص هو لاقى بنزين السواق ما صدق ثم يكمل الرجل انا حاسس بية وعارف الوضع
عارفين جركن البنزين بكام وبيعد كام يوم 
واحد تانى الحكومة السبب عوزينا نقول حقى برقبتى
قالو لا انت مش فاهم
انت عندك مفيش تصنيع البترول بتصدرة خام وتستوردة بالعملة الصعبة مفيش انتاج فين ايام السادات ياعم
عندك ليبيا كانت بتدينا غاز شوف ليبيا حالا وحالها
والجزار بعتالنا شحنة جاية فى البحر لسة 
الراجل دا واصل    هههههههههههه
عارف ايران تتمنى تساعدنا هتدينا غاز ونووى هههههههههههه
احسن من الى عند اسرائيل  تتمنى شوف بقولك اهو تتمنى
بس احنا مش عاوزين نقبل منها
واحد رد علية بلاش يابا ابعد عنها دول معاهم نووى
بعبع
واحد من اخر العربية بلجيكا بتبعتلنا
الراجل يرد لا ياعم الحاج بلجيكا بتبعتلنا غاز مش بنزين
السواق 
ساكت لية ياعم الحاج
شوفتم فية واحد فى المنوفية اخترع الجرارات تمشى بدفع الهوا
الراجل بس محتاجا اربع رفرفات 
ولا فاهمة اى حاجة انا
بس حلو
واحد محبط 
امريكا او فرنسا هتاخدوا
واحد تانى ولو مرضيش هيقتلوة 
عوزينا نحتاجلهم دايما
الراجل الاول لو نفعت الفكرة هتبقى حلوة


يتغير الحديث
عارفين مبارك هياخد براءة 
واحد يرد منا عارف
التانى المهم فلوسنا ترجع
واحد تالت مش هترجع  دول بياخدوا ارباح ياعم الحاج ترجع فين
والثورة ثورة مين هما فين الان
قلت فى نفسى ينزلوا يقولوا عجلت انتاج يسيبوا عجلت الانتاج تشتغل يقولوا هما فين
وكل ما تكلم حد يقولك دستورك بيقول اية
دا مرار طافح
المهم تركت الحديث هذا ونزلت 
فتكم بالعافية وانتظرونى فى لقاء قادم مع 

الناس بتقول اية

يوم غريب

يومى كان غريب

بعد حفلة شغل بيت قلت هعد على النت وكعادتى اجيب من جوجل ما يخطر ببالى من مشغولات يدوية لاشعار  حسب ما يروق لة خاطرى وقتها

واذا بالنور يقطع قلت ولا هزعل ولا هضايق نفسى ودائما هناك حلول بديلة

قلت افتح نت على الموبيل واكلم اصحابى واذا بها صحرا وعندما ظهروا على الشاشة كان الموبيل فصل شحن

ياوئعة مربرة

ضحكت من الغيظ طبعا وقلت مش مهم هاتى كتاب واقرئية ولا هشيل فى نفسى لكن الوقت كان قرب على الغروب وطبعا مش هينفع قرائة قلت عندى الحل

العودة للطبيعة بلا تليفزيون بلا نت 

اعد فى البلكونة ومنظر النجوم جميل والهوا منعش واعدى مع نفسك شوية اعملى وقفة مع نفسك وفقرى فى كل شىء وخدى قرار لو فية حاجة منتظرة قرار

وفعلا كان جو جميل وممتع 

ومن المفترض ان بعد طول انتظار النور يخلى عندة دم ويجى بس واضح كدا ان مفيش دم

دخلت من البلكونة وصليت وقعدت على ضوء الشموع 

العودة للبدائية

قلت لا متقوليش كدا هدوء هو اة الجو ساكت او وخيالات الشمعة مع الابواب فكرتنى بمغامرات ادهم صبرى 

وايوة انتى خايفة بس متفكريش 

والمفاجأة

مفيش شمع فى البيت والى امامى دى اخر شمعة

وتقوليش الشمعة عرفت فبتجرى تخلص ولا انا من خوفى تخلص محسيتشى بالوقت

قلت يمكن قبل ما تخلص يجى النور ويتأدب 

وقعدت افكر الناس زمان كانت بتعمل اية جاء بابا وللاسف مجبشى شمع وطبعا هو جاى ينام مفش فارق معاة نور من ضلمة 

قلتلة والحل قالى نامى قلتلى وفين النوم دا

وكانى فتحت على نفسى فاتوحة

مهو لو مش بتصحى الضهر كنتى عرفتى تنامى

للعلم الضهر دا الساعة (9او 8 )

ودخل نام وماشاء الله راح فى نوم عميق قلت لنفسى اجرى قبل ما الشمعة تخلص نامى

وقعدت اقرا كل ايات القرآن الى حفظاها واتمنى انام قبل ما الشمعة تخلص

والمفاجأة

الشمعة خلصت 

ترا ترتا تا

وانا عملة نفسى نايمة وانا عاملة نفسى نايمة

وفتحت عنيا الظلام يخيم على المكان

والنوم بينى وبينى بلاد وبلاد

والنوم مخاصم عيونى

قلت هغمض عشان مشفشى حاجة 

اغمض ثم افتح فجاة انظر حولى 

وظللت فى هذا العذاب الى ان نمت لاادرى متى لكن اعلم انى اتعذبت كتير حتى نمت

والوقت كان طويل لدرجة انى تمنين النهار يطلع وقلت ان اجمل شىء نور الصباح لمدى شوقى لية

ولم ياتى النور الله يسامحة

وايضا لم استفيد بنومى بدرى لانى رحت فى النوم متأخر فصحيت الضهر بتاع بابا 

وعجبى

كن متفائل

قررت ان مهما حدث انظر لنصف الكوباية المليان 

ولا اجعل شىء يعكر صفو يومى

ولا استسلم لما يقولون نحس او حظ سىء فلكل شىء جمالة وكل ما يحدث لنا خير

فلا ندرى لو تبدل الموقف او الحدث ماذا كنا سنرى 

وقضا اخف من قضا

دائما عندما اقول لاى شخص مكتئب هذا ينظرلى بزهول وكانى عمرى ما بزعل ابدا

بالعكس جميعنا نفرح ونحزن كل المشاعر تمر على كل فرد

وانا بطبعى مملولة لكن ببحث عن اجمل ما فى الشىء او الحدث 

وزى ما انا ملولة ابسط الاشياء تفرحنى 

لو فكرنا فى كل ما مر علينا سنجد اننا ضحكنا بكينا حزنا فرحنا 

فالاحاسيس هذة لاتفرق بين لون او جنس اولغة او منصب 

جميعنا بداخلنا زكريات مفرحة واخرى حزينة 

بداخلنا ناس فقدوا رصيدهم بداخلنا

وبداخلنا اشخاص نحبهم ونتشوق لرؤيتهم وسماع صوتهم

فالندع من فقدنا ثقتنا بهم ولا نجعلهم يأخذوا من وقتنا كثير ولا نجعلهم سبب فى اى شعور ممكن ان يصيبنا منهم

ليت من يؤذى شخص يعرف كم يخسر

ويعرف انة مجرد ذكر اسمة او رؤيتة تسبب ضيق او حزن لاحد 

فالنظل ببرائتنا وجمال روحنا 

هل ان رايت طفل ماذا تشعر ستبتسم حتى وان كنت حزين فالنكن مثل الاطفال دائما حضورنا يجلب البهجة وذكر اسمنا يشعرهم بمدى اشتياقهم لنا

للنشعر الورود وعبيرها فى دنيانا 

فأنت ممكن ان تكون زهرة الحياة لغيرك

فالنصفح ولنعمل دائما على فلترة قلبنا من اى سوء ونعفو عن الكل لاننا اكيد لنا اخطاء

ودائما قبل ان نفعل شىء نتخيل نفسنا مكان الشخص

لان كل شىء سلف ودين

وذنب ناس يخلصة ناس

ربنا يعفو عنا جميعا

ولنجعل دائما دعائنا بظاهر الغيب لاخواتنا وجميع المسلمين حتى تقول الملائكة ولكم مثلة

اتمنى نبدا جميعنا صفحة جديدة ونرتقى باخلاقنا وننشر البهجة على كل من حولنا

اكيد فية مواقف للناس وحشة وعيوب واكيد فية ناس شغلتها الشاغلة التدخل فى حياة غيرها وكأنها تفرح باذية الناس انا الصراحة سمعت مشاكل لناس جعلتنى اخاف وكنت اقول كيف لهم ان يتحملوا كل هذة المشاكل واين المفر 

اللهم الطف بهم وعوضهم عن ما لاقوا وصبروا 

الى بيزعل فى الموضوع لما يكونوا صابرين ولا يلاقوا حد يطبطب عليهم وان كل من حولهم انانى ولا يفكر غير فى نفسة ومادام ليس لها حل اصبرى هعمللك اية 

اكيد الواحد لا ينتظر شكر من انسان وينتظر الجزاء من الله

ان كانت الحياة بحر من الهموم فاركبها بقارب صغير من الصبر

واعلم انك تنتظر الفرج ومن ظلمك ينتظر الشقاء

اللهم برائحة الجنة بلغنا

وبظل عرشك اسكنا

ومن حيث لانحتسب ارزقنا

يااااااااااااااااااارب

احلامى

عند نومى أقول لنفسى

أنفضى غبار حزنك لا تدعية يؤرق يومك ويتسلل ايضا لمنامك  
ياعزيزتى دللى نفسك فحلمك ملكك فدعية يكون جميلا
حلقى وأهربى خارج  أرجاء المكان  بعيدا علك تجدين ما تنشدى
اخرجى برة الحواجز والقيود وتنفسى العبير
افعلى ما تأملين دعى جنونك وخيالك يسبح فى الكون الفسيح
اعبرى كل العالم لا حواجز ولا حدود ولا قيود
فى حلمك لا تريدى تأشيرة دخول
فى الكون ملك لكى وحلمك طائر جميل


احلمى بالبحر  بالسما سافرى الى ماتريدى  قابلى من تحلمى لا قيود ولا عراقيل
من رحل عنكى قابلية بحلمكى وتحدثوا طويلا
أفعلى ما تأملى أسبحى طيرى غنى ارقصى أضحكى لكن أبدا لا تعيشى حزنك مرتين 
يكفى لنفسك المتعبةأن تستريح 
فالتشرق شمس حلمك الجميل

نوما هنيئا  عزيزتى وواقع سعيد

الاستمتاع

• هناك من يستمتع بعملة _بكتبة _بالجلوس فى الشرفة_بعمل اكلة
• بالجلوس فى مكان يرتاح فية مع شرب كوب شاى
• هناك طقوس قد يستغربها البعض او يستتفها وهى فى حد ذاتها قمة المتعة لشخص اخر
• كأن تشرب شاى فى وقت معين وان تاخر لاتشعر بلذتة
• كأن تخرج مع اصحابك
• كأن تتناول فنجان قهوة فى الصباح
• كان تعد مع نفسك لفترة فلها ايضا حق عليك
• كان تجلس على النت او تشاهد برنامج معين
• هناك من يستمتع فى المطبخ ويحلو لو عمل الاكلات 
• هناك من يستمتع بقراءة الكتب
• من يستمتع بالجلوس فى البلكونة 
• من يستمتع بالكتابة
• من يستمتع بالتحدث فى التليفون
• هناك ايضا من لايعرف ان يستمتع او لايفكر هل هو مبسوط بما هو فية ام لا او لايقدر على التغيير او ممكن يكون مبسوط ولكنة دائما ما ينظر الى النقص فى حياتة والى نصف الكوباية الفاضى لكن ان فقد شىء بسيطا فيشعر كم كانا سعيدا من قبل  فهناك من لايقدر ما بيدة حتى يزول
• الذى نفسة بغير جمال لايرى فى الوجود شيئا جميلا      ايليا ابو ماضى
• المهم لانبالى بالاخرين و ان نعرف كيف نستمتع

حياتنا

كلنا نفهم الحياة من زاويتنا

هناك من يجد الحياة فى متطلبات يومة  من اكلة وشربة فقط

هناك من يجد الحياة فى زرعتة وحقلة او مزرعتة   اعتقد انهم اكثر صفاء عن غيرهم 

هناك من يجد الحياة بها صعوبات ونفاق ومؤامرات ومكائد والذى يظهر لك ليس الذى بداخل الشخص  وان جميع الناس لابسة اقنعة

فعلا موجود هؤلاء لكن ايضا موجود الحسن وسليم الصدر وحسن النية والكريم والطيب 

اعتقد ان من يعمل فى السياسة يرى الدنيا بنظرة سوداوية اكثر من غيرة

اعلامى يجد الحياة فى خبر او حدث يريد كشف الحقائق 

جميل ان نعيش لنتعلم لنخطط  لنعمل  لنبدع  لنفهم لفكر لنتأمل  لنخترع  لننجز 

معمعادلة التفوق طموح بعيد +جهد جهيد+عزم حديد+تركيز شديد+وقت رشيد+استقامة لاتحيد= نجاح اكيد

هناك منا من يحاول فهم الحياة وتفسير كل شىء وفلسفتة  وهناك من يحتار ويتعب فى الحياة  ويكون دائما مصدوم 

الدنيا احيانا تضحك منا او علينا

احيانا تبهرنا وتكئبنا

تعطينا أمل وتشعرنا باليأس

نشعر فيها بالنجاح والانهزام

لم نفهمها 

كلنا نحارب فى الحياة كل فى جبهتة 

هناك من يحار فى جبهات عديدة وهناك من يصب كل جهودة وطاقتة فى جبهة واحدة وكأنة يناضل او يصارع طواحين الهواء

نشعر كأننا نجرى او كأننا بصراع 

احيانا تكون المعادلة متساوية

احيانا نحارب مجتمع او ناس او فرد والاصعب ان يكون الخلاف بينك وبين نفسك .

ستشعر بحيرة وقلق ودائما ما تسمع صراخ بداخلك وتتمنى الفرار لكن الى اين ؟

فما اجمل السلام مع النفس 

لكن دائما ما اقول لنفسى العبد فى التفكير والرب فى التدبير

وما كان لك سيؤتيك على ضعفك وما لم يكن لك لن تنالة بقوتك

باخلنا اسئلة بدون اجابات

مخاوف بدون اساس

كلام لايصاغ

مشاعر غير مفهومة

يأس غير مبرر

حيرة بدون امل

أمل اشبة بخيال

احيانا نبكى بدون سبب

ونضحك بدون سبب

نصمت وداخلنا مليون سؤال

مشاعر متقلبة وغريبة 

ما اكثر حيرة الانسان

ننظر لما نريد ونتشوق لة  

واصبحنا لاندرى ولا نفهم ولا نعرف اى شىء

احيانا ماتصاب بالحيرة وتجد نفسك غير مدرك لحقيقة الامور

هل القراءة وسعت مداركنا لدرجة اننا اصبحنا نفكر اكثر من الازم فأصابتنا الحيرة...........ربما

ننظر للحياة فما اوسعها وما اثقلها وما اهونها وعندما تمر نشعر انها مجرد لحظات بالرغم انها كانت قبل ذلك تشعرك ان اللحظة عمر

كم تشعرنا بكل الاحاسيس وتأخذ منا وتعطينا وتقرب منا وتبعد عنا

كم ننظر للماضى فنراة بعيد وللحاضر كأنة لايمروللمستقبل وكأنة لاياتى

فما اطول اللحظات اذا كنا ننتظر شىء

وما اسرع اللحظات السعيدة 

وما اثقل الهموم.